ភាពយន្តជាស៊េរីអំពីសង្គ្រាមមនុស្សនិងស្វា "Planet of the Apes” បានត្រលប់មកវិញហើយ ជាមួយ Trailer សម្រាប់វគ្គ៣ដែលទើបចេញកាលពីយប់មិញ។
វីដេអូ Trailer សម្រាប់ភាពយន្ត "War for the Planet of the Apes” ដែលដឹកនាំដោយ Matt Reeve ត្រូវបានបញ្ចេញកាលពីយប់ថ្ងៃសុក្រ ជាមួយសាច់រឿងមិនខុសពីវគ្គមុនៗ គឺពួកមនុស្សនៅតែបង្កសង្គ្រាមជាមួយក្រុមស្វាដដែល។ ក្នុងវគ្គនេះដែរ មេក្រុមស្វា Caesar ដែលសម្ដែងដោយ Andy Serkis នឹងត្រូវប្រយុទ្ធស្លាប់រស់ជាមួយវរសេនីយ៍ឯក the Colonel សម្ដែងដោយ Woody Harrelson។
Serkis ធ្លាប់បាននិយាយពីតួអង្គរបស់ខ្លួនថា៖ "Caesar ដែលមានក្ដីស្រឡាញ់សម្រាប់មនុស្ស ក្នុងវគ្គនេះ នឹងទទួលរងស្ថានភាពមួយដែលធ្វើឲ្យគេទ្រាំលែងបាន។ ការបាត់បង់សត្វស្វាដែលជាមិត្តរួមក្រុមរបស់គេនឹងធ្វើឲ្យគេធ្លាក់ចូលសង្គ្រាមដ៏ក្ដៅគគុក"។
ភាពយន្តនេះដែរគឺជាវគ្គបន្តពី "Dawn of the Planet of the Apes” កាលពីឆ្នាំ២០១៤ និងវគ្គមួយ "Rise of the Planet of the Apes” ចេញឆ្នាំ២០១១។
"War for the Planet of the Apes” នឹងចេញបញ្ចាំងតាមរោងភាពយន្តនៅថ្ងៃទី១៤ ខែកក្កដា ឆ្នាំ២០១៧ ៕
តួអង្គស្វាក្នុងឈុតក្រៅឆាក
0 comments :
Post a Comment