ចោរមួយក្រុមបានឆ្លៀតឱកាសគាស់ផ្ទះកីឡាករ Raphael Varane របស់ Real Madrid លួចអស់ទ្រព្យសម្បត្តិជាង៦ម៉ឺនផោន អំឡុងពេលរូបគេកំពុងលេងការប្រកួតទល់នឹង Borussia Dortmund។
Raphael Varane (ឆ្វេង) លេងទល់នឹង Dortmund
បើតាមការឲ្យដឹងពី ខ្សែការពារកណ្ដាលរូបនេះប្រាប់ថាខ្លួនបានបាត់បង់ នាឡិកា ១២គ្រឿង, លុយ, សំលៀកបំពាក់ និងគ្រឿងអលង្ការជាច្រើន។ របាយការណ៍ពីកាសែតអេស្ប៉ាញផ្សាយថាចោរបានចូលតាមបំពង់ផ្សែងកន្លែងដុតភ្លើងដែលកំពុងជួសជុល ដើម្បីបើកទ្វារខាងមុខផ្ទះ។
សាក្សីឃើញហេតុការណ៍បានប្រាប់ប៉ូលិសថា គេឃើញរថយន្តមួយគ្រឿងម៉ាក Audi A4 ចតខាងមុខផ្ទះនៅថ្ងៃកើតហេតុ ហើយមានមនុស្ស៣ក្នុងចំណោម៤នាក់យកកេសមួយចេញពី ក្នុងផ្ទះដាក់ចូលឡាន៕
0 comments :
Post a Comment